माघी यात्रा : श्री विठ्ठल मंदिरास 3 कोटी 3 लाखाचे उत्पन्न, गतवर्षीच्या तुलनेत घट !
पंढरपूर दि.14 :- माघ यात्रा कालावधीत भक्तांनी श्री विठ्ठल- रुक्मिणी मातेच्या चरणी लाखो रुपयांचे दान केले तसेच सोन्या चांदीचे दागिने अर्पण केले. मंदिर समितीला लाडू प्रसाद, देणगी, भक्तनिवास, पूजा, फोटो विक्री आदी विविध देणग्यांच्या माध्यमातून मंदिरे समितीस 3 कोटी 3 लाखाचे उत्पन्न मिळाल्याची माहिती मंदिरे समितीचे व्यवस्थापक मनोज श्रोत्री यांनी दिली. मागील वर्षीपेक्षा हे उत्पन्न 47 लाख रूपयांनी कमी आहे.
माघ यात्रेसाठी राज्याच्या कानाकोपऱ्यातून तसेच परराज्यातून लाखोंच्या संख्येने भाविक आले होते. माघ शुध्द 01 (दिनांक 30 जानेवारी) ते माघ शुध्द 15 (दिनांक 12 फेब्रुवारी) या कालावधीत भाविकांनी श्रींच्या चरणाजवळ 32 लाख 33 हजार 420 रुपये अर्पण, 80 लाख 34 हजार 128 रुपये देणगी, 40 लाख 81 हजार रुपये लाडू प्रसाद विक्री, 36 लाख 83 हजार 969 रुपये भक्तनिवास , 8 लाख 88 हजार 800 0रु. पूजेच्या माध्यमातून, 86 हजार 48 हजार 152 रुपये हुंडीपेटी , 10 लाख39 हजार 707 रुपये सोने-चांदी अर्पण, तसेच फोटो, महावस्त्रे, शेणखत, गोमुत्र, मोबाईल लॉकर, जमा पावती, चंदन आदी माध्यमातून 6 लाख 97 हजार 640 रुपये उत्पन्न प्राप्त झाले आहे.
मागील वर्षी श्रींच्या चरणाजवळ 32 लाख 47 हजार 774 रुपये अर्पण , 8 लाख 90 हजार 02798 रुपये देणगी, लाडूप्रसाद विक्रीतून 39,44 000, भक्तनिवास 50, 90, 721 रुपये, 7,28, 600 रुपये पूजेच्या माध्यमातून, 11, 59, 8739 रुपये हुंडीपेटीतून, 5,15,805 रुपयाचे सोने-चांदीचे दागिणे अर्पण, तसेच फोटो, महावस्त्रे, शेणखत, गोमुत्र, मोबाईल लॉकर, जमा पावती, चंदन आदी माध्यमातून 9, 94,082 रुपये प्राप्त झाले होते.
सन 2024 च्या माघी यात्रेत 35 लाख22 हजार 519/- व या वर्षीच्या यात्रेत रू.3 लाख 03 हजार 06816/- इतके उत्पन्न प्राप्त असून, मागील यात्रेच्या तुलनेत रू.47 लाख 15 हजार 703 इतकी घट झाल्याचे दिसून येत आहे.
यंदा 4 लाख 50 हजार लाडूप्रसादाची विक्री झाली असून, सुमारे 52 ग्रॅम सोने व 6 किलो चांदीच्या वस्तू प्राप्त झालेल्या आहेत. या मिळालेल्या दानातून श्री विठ्ठल रूक्मिणी मातेच्या दर्शनासाठी येणा-या वारकरी भाविकांना पुरेसा प्रमाणात सोयी सुविधा उपलब्ध करून देण्याचा मंदिर समितीचा प्रयत्न राहील, असेही यावेळी श्री श्रोत्री यांनी सांगीतले.
