सोलापूर जिल्हा ग्रामीणमध्ये अनलॉकच्या नियमात बदल नाहीच, कोरोना पॉझिटिव्हिटी दर 5 टक्क्यांपेक्षा जास्त

सोलापूर – सोालापूर जिल्हा ग्रामीणचा 22 जुलैचा कोरोना पॉझिटिव्हिटी दर हा 5.02 टक्के असून ऑक्सिजन बेडची अ‍ॅक्युपसी 12.16 टक्के असल्याने हा भाग तिसर्‍या टप्प्यात मोडत असल्याने निर्बंध शिथिलतेचे नियम जे 5 जून रोजी ठरवून देण्यात आले आहेत तसेच ठेवण्यात आले असल्याचा आदेश जिल्हाधिकारी मिलिंद शंभरकर यांनी जारी केला आहे.
यामुळे सर्व दुकाने सोमवार व शुक्रवार दुपारी चारपर्यंत सुरू ठेवता येतील. तर शनिवार व रविवारी अत्यावश्यक सेवा वगळता अन्य अस्थापना बंदचा आदेश कायम ठेवण्यात आला आहे. मागील आठवड्यात 22 जुलैचा जिल्हा ग्रामीण भागाचा ( सोलापूर महापालिका वगळून) हा पॉझिटिव्हिटी रेट या 5.02 टक्के असल्याने मागील प्रमाणचे या आठवड्याप्रमाणेच अनलॉकची स्थिती राहणार आहे. 5 जूनला राज्यात निर्बंध शिथिल करण्याची घोषणा झाली व यावेळी पाच स्तर निश्‍चित करण्यात आले होते. पॉझिटिव्हिटी दर व ऑक्सिजन बेडची अक्युपसी यावर हा स्तर निश्‍चित करण्याचे अधिकार जिल्हाधिकारी यांना आहेत. त्यानुसार 7 जूनपासूनच सोलापूर जिल्हा ग्रामीणमध्ये तिसर्‍या स्तराचे निर्णय लागू आहेत व ते आजही कायम आहेत. कोरोनाचा पॉझिटिव्हिटी दर हा पाच टक्क्यांपेक्षा जास्त आहे. काही तालुक्यांमध्ये अद्यापही रूग्ण संख्या जास्त आहे.